Ян Вісліцкі
Кароткія біяграфічныя звесткі:
Нарадзіўся каля 1485 года, як мяркуюць даследчыкі, на тэрыторыі Беларусі. Скончыў Ягелонскі універсітэт у Кракаве.
Выступаў у пашыраных на той час у свецкай літаратуры жанрах - ода, эпіграма, элегія, пасланне. Пісаў творы на лацінскай мове.
У 1516 годзе у Кракаве выдаў паэму "Пруская вайна".
Памёр каля 1520 года.
Пруская вайна
Кароткі змест:
У першай частцы ўзнаўляецца легендарная радаслоўная заснавальнікаў польскай дзяржавы.
У другой - апісваецца пераможная бітва з рыцарамі Тэўтонскага ордэна пад Грунвальдам. Рыцарам супрацьстаяць беларускія, літоўскія, польскія, рускія, татарскія палкі.
Трэцяя частка паведамляе пра вяселле караля Ягайлы з маладзенькай беларускай шляхцінкай Соф'яй Гальшанскай, ад якой 74-гадовы манарх урэшце дачакаўся наследніка.
|
