Змітрок Бядуля
Кароткія біяграфічныя звесткі:
Нарадзіўся Змітрок Бядуля (Самуіл Плаўнік) у 1886 г. у вёсцы Пасадзец Лагойскага раёна на Міншчыне. Вучыўся ў пачатковай яўрэйскай школе - хедары, у школе рабінаў - ешыбоце. Нейкі час працаваў хатнім настаўнікам, потым конторшчыкам на лесараспрацоўках. З 1912 г. працаваў у Вільні ў выдавецкім таварыстве, сакратаром газеты "Наша ніва". З закрыццём газеты (лета 1915 г.) вярнуўся ў родны Пасадзец, але хутка пераехаў у Мінск, уладкаваўся на працу ў беларускі бежанскі камітэт. У гады савецкай улады працаваў у рэдакцыях газеты "Савецкая Беларусь", дзіцячага часопіса "Зоркі", краязнаўчага - "Наш край". Быў сябрам аб'яднання "Маладняк" (1923 - 1926), членам "Узвышша" (1926 - 1931).
Памёр у 1941 г. у эвакуацыі каля Уральска.
|
